Þessa uppskrift er auðvelt að stækka þegar maður hefur góðann tíma til að elda og setja afgang í frysti til að eiga til góða síðar.
Kjötbollur fyrir 4 manns
600g hakk (við notumst við B.jensen hakk)
Heill meðalstór laukur
50g döðlur
6 beikonstrimlar
Salt&pipar
2 egg
70g raspur
1 krukka pizzasósa frá Matlifun
2 hvítlauksgeirar
tillaga að meðlæti
Soðnar kartöflur
Kartöflumús
Hvít hrísgrjón
Hitið ofninn í 200°C með blæstri.
Byrjið á að skera beikonið, döðlurnar og laukinn (til að sleppa við að vera alltaf að þvo hendur á milli).
Blandið hakkinu, eggjunum, döðlunum, lauknum og beikoninu vel saman í stórri skál, hér er langbest að nota hendurnar.
Blandið síðar við brauðraspinum. Saltið og piprið vel.
Myndið litlar þéttar kúlur, á stærð við golfkúlu.
Raðið kúlunum í eldfast mót og bakið í 15 mínútur.
Hitið sósuna í pönnu og bætið söxuðum hvítlauk samanvið.
Setjið bollurnar út í sósuna og hellið safanum frá bollunum líka út í sósuna.
Framreitt með soðnum kartöflum.