Þessi uppskrift er fyrir tvo fullorðna.
Við mælum með að nota ferska pastað okkar í þessa uppskrift en einnig má nota hvaða pastategund sem er.
1/3 laukur
1 msk olía
1 grænt epli
1 confit eldaður andaleggur
1 dl rjómi
300gr handgert tagliatelle frá Matlifun
1 tsk söxuð steinselja
Sítrónubörkur af 1/4 sítrónu
Salt & pipar eftir smekk
Byrjaðu á að saxa lauk og svitaðu í olíu á pönnu.
Skrældu þar næst eplin og saxaðu þau fínt.
Þegar laukurinn er orðinn glær, bættu eplunum útí og svitaðu þetta í 5 mín.
Hreinsaðu andalegginn og skerðu í smá bita, bættu þessu út í pönnuna.
Sjóddu pastað í vel söltuðu vatni næstum því til fullrar suðu.
Bættu þar næst pastanu á pönnuna
ásamt 1dl af pastavatni.
Bættu rjóma samanvið ásamt salti og pipar.
Bættu síðast samanvið steinselju og sítrónuberki.
Við mælum með að hafa salt og pipar á borðinu svo gestir geti kryddað eftir smekk.
